講底妝就一定要報告下我個皮膚質素先:
- 混合性皮膚(鼻及兩頰偏油)
- 冬天鼻偏油，但鼻翼偏乾
- 暗瘡及敏感性皮膚
Make Up Forever 係我第二個入手的專櫃品牌。會扚起心肝去試依個牌子係因為之前用開的底妝到夏天唔夠兩個鐘就又溶又浮。
Mat Velvet +
色號:＃30
容量: 30ML
我第一支入手係Mat Velvet + ，因為買個時個BA問我對Foundation 有咩要求，又問我有無用遮瑕的習慣。我話我的要求係Long Lasting同高遮瑕，咁個BA就推介左Mat Velvet + 比我，話係成個Make Up Forever 裡面最Long Lasting同最遮瑕的粉底。
Mat Velvet + 質地比較厚身同似Mousse。上面推開後Coverage高，絕大部份的暗瘡及印都可以遮，有妝感但絕對唔會厚粉。依支係舊年的夏天買，用左一年經歷過四季，佢最適合春天夏天用，秋冬用會有點偏亁，有時會出現卡粉的情況。
夏天: 最熱個幾日加上Make Up Forever透明粉餅，可以Last 到三四個鐘，鼻先可始要用吸油紙，如果個日無出大汗的，可以去到六七個鐘先要補補妝。重點係佢抓妝力好強，即使好大汗又出油，都唔會甩妝。
秋冬天: 一般而言我會加入Lotion一齊上，但都會偏乾。到最乾燥個幾日勉強用會出現卡粉同好厚粉的感覺。
Ultra HD Foundation
色號: Y325
容量: 30ML
由於支Mat Velvet +已經見底，我今年七月又去左Make Up Forever入貨，本身諗住照買同一支，左個BA話其實我唔洗用到依支，因為太厚同遮瑕太高，我未去到要咁高遮瑕度。於是佢就見我用Ultra HD，相對Mat Velvet +黎講佢薄身D之餘又又中等的遮瑕度。
出到黎質地偏水，上面係好水潤輕薄，但的確遮瑕度對我黎講即使無再爆暗瘡，都遮唔到印同黑眼圈，最多只可以做到均混膚色，如果想做裸妝就好好用。
夏天: 最熱個幾日即使加上控油碎粉都會有溶妝甩粉的情況，兩三個鐘就一定要吸油同補碎粉。
秋天:剛剛入秋再用返佢，感覺即刻好好多。一開始入秋鼻翼已經開始甩皮，用依支唔會起乾皮，同Last同成日也個鐘都唔會甩妝。所以特會Keep住用到冬天，但夏天就唔會再用佢。
留言列表
