Koala Sweet Sweet Kingdom

近排扚起心肝去左shu uemura到比人專業修眉，修完眉形出翻黎就易左畫，所以完全迷上左畫眉，但由於係新心，每朝都花上成十分鐘時間畫，仲怕出出下街變無眉娘

去shu uemura修眉時順手買左佢支好出名的眉筆同支染眉膏，不過就有點失望！

佢支眉筆，係刀型聽聞會易d畫，但我自己就覺得要就住就住個角度黎畫好難，仲有就係佢好難上色，我發現如果無茶粉底，要好大力先有色仲要係好淺咁！但如果有粉底或者防曬係底，咁就好易上色，同埋會好soft 同自然，唔會有筆痕！

同日我都買左佢支染眉膏，Honey色！佢好易上色同佢長短毛檫頭的設計好易控制，唔會咁易掂到皮膚。但買個日個ba教我逆毛檫再順毛，但咁做會有眉膏彈出黎好易整污糟個妝。

未學畫眉之前都已經有聽過living plaza的眉毛雨衣！真心好好用，起碼唔怕印面時印走個妝，但佢都有一個缺點！就係如果唔少心大力左塗上去，會化左條眉，有d地方會無左，而且重新補返佢好煩，要輕輕力，如果唔係會起左個保護層，有檫膠碎！