close
香氛蠟燭Collection
大約三年前左右開始左點香氛蠟燭的習慣，目的係想增加氣氛，特別係大時大節。最初上網搜尋已經見到Bath ＆ Body Works好出名，但無耐人太懶唔想代購等。咁就求求其其去屋企附近的商場買左英國牌子-Heart ＆ Home。老實講都幾貴下＄49 （點到8個鐘左右），而中size就＄149 （110G，點到30個鐘左右）。
無論細定中size都好，佢地都有一個通病，就係單芯，經常熔唔哂四周D蠟，令蠟燭會好似洞咁燒落去，就算用箔紙包圍佳燒都只係治標唔治本，下次又係咁。重要香味唔太出，但好在佢係大豆蠟，聽聞對人體無咁有害！
右上:細蠟燭，要放落右下的容器先可以燒
左上及左下:都係中蠟燭
中左伏之後，出開旺角無論有幾重都好都會買個Bath ＆ Body Works的三燭芯蠟燭返屋企，真心講句，真係又平又夠香。大約＄150-＄159就有一個，可以點到25-45個鐘。因為我又唔係日日點同長點，一個可以用到成個月以上。佢平之餘仲可以香到成間屋到聞到，而且好好點唔會溶唔哂，但三個火點真係會有D熱。 有時D格仔鋪會來貨時會爛左個玻璃會平D賣出，我買個間就＄80個爛的，其實都無咩所謂因為有好多燒完的蠟燭兜。我都有買細版同中版的蠟燭，雖然係單芯，但絕對唔會出現溶唔哂的情怳。不過細同中的蠟燭就唔夠三芯蠟燭咁勁。
行過H＆M Home見到有蠟燭，聞落好香而且一反轉但低睇價錢，即刻要買，＄17.9一個，而且燒到19個鐘。但燒落完全唔香，要好近先聞到，同燒唔溶的情況好嚴重！
全站熱搜
留言列表
